Prophet Mohammad (P.B.U.H) said: The most excellent worship is Dua. (Sahih Al-Jami)
Allah says in the Holy Quran: "When my servants ask you concerning me, (tell them) I am indeed close (to them). I listen to the prayer of every suppliant when he calls on me." (Quran, 2:186)
Let's make better duas to Al-Khaaliq (The Creator)
-
Ya Allah, duniya mein kayi Musalmaan bhai, behne aur bachhe pareshaan hai. Unka koi madad karne wala nahi hai. Koi unke aansoo pochne wala nahi hai. Koi unhe sahara dene wala nahi hai. Hum madad karna chahte hue bhi unki sahi tarah se madad nahi kar pa rahe hai. Aisi haalat mein sirf aap hi ho jo un pareshaan logon ki hifaazat kar sakte ho. Ya Allah takleef se pareshaan musalmano ki takleef ko door farma.
-
Ya Allah, hamare dost aur ahbab jo hamare sath kandhe se kandha mila kar namazon mein haazir hote the, aaj wo mann aur mitti ki chaadar taan kar qabr mein so gaye, Ya Allah koi nahi hein un ke ird gird, Ya Allah hum un ke liye dua karte hein, hamari duao ko un ka sathi bana kar hashr tak un ke sath shaamil rakhna aur un ki qabr ko Jannat ke baagho mein se ek baagh bana dena.
-
Ya Allah, humein Quran ki tilaawat karne ki taufik ataa farma. Quran e paak ki qadr karne wala bana de. Jo kitaab apne humare deen ko mukammal banane ke liye naazil kiya tha, usko humnein kabhi padh kar aur samajh kar apni zindagi mein utaarne ki koshish nahi ki. Ya Allah, humein Quran e paak ko maine ke saath padh kar, samajh kar, siraatun mustakeem pe chalne wala bana de.
-
Ya Allah, hum gunehgaar hai, bohot sare gunah anjaane mein kar baithte hai, aur kayi gunah jaan kar bhi karte hai. Humare gunah itne bade hai ki maafi ke layak bhi nahi hai, lekin in bade gunaho ke aage Ya Allah aapki rehmat kai guna badi hai. Ya Rahman, aapki rehmat ke aage humare gunaho ko chota samajh kar unhein maaf farma.
-
Ya Allah Aye Rabbe kainat aye arshul azeem tu rahman hai tu raheem patta patta b tere ijazat ke baghair nahi hil sakta . Aap ki ijazat me hamare maa baap hajj ke safar ko jarahe hai tu inke hajj ko qubool farma and sare arkaan poore karne ki hidayat de shaitan ke vasvase se hifazat farma aur inko safar me khairiyat se rak aur sahi salamat mere maa baap ko ghar wapas le aa Allah..
-
Ae Allah Shariat ka har kaam karna hamare liye asaan farma de, Ae Allah jis tarah bhook lagti hein hum khaa lete hein, pyaas lagti hein hum pee le te hein, neend aati hein so jaate hein, isi tarah hamare liye Shariat ka har kaam asaan kar de, aur Jin kaamo se tu naaraaz hota hein, un kaamo se hamein mukammal tor par ihtiraaz Naseeb farma, aur ae Allah kabhi nafs aur shaytaan ke dhoke mein aa kar tujhe naaraaz kar bethe to ae Allah hum par nazr rahmat kar ke phir taubah ki tawfeeq Naseeb kar dena
View More
Duas in Hindi
- View More